أطلق الفنان السوري حسن أبو سَعد من كلمات الشاعر كمال ابراهيم أغنيته " يا سامعين الصوت " ألحان الموسيقي السوري بسام رسلان ، تنفيذ استوديو " صُنعَ بسِحرِكَ " - جبل العرب ، هندسة الصوت والمكسَاج : الفنان مهند عزام ، التنفيذ الموسيقي والتوزيع عازف الأورغ : الفنان غاندي الخطيب.
اليكم الأغنية نصًّا وغناءً بصوت حسن أبو سَعد عبر الفيديو التالي :
"يا سَامعِين النِدا والصُّوتْ
مِنْ قلبي بَناديكُوا
ارحمُوا الفقرَا وامنحٌوهم قوتْ
حتى الربّْ فِي الآخرَة يكافيكُوا
البلَد زادْ فيها القتِل والمُوتْ
إياكُوا تنسُوا الربّْ راعِيكُوا
إياكُوا الضَّغينِة وِالطَّاغُوتْ
اقلَعُوا الشَّرّْ مِنْ رُوسْكُوا وْأَيادِيكُوا
احنا بْآخِر وَقِت وِلِّي بَدُّو الجَنِّة يْفُوتْ
لازِم يعبَد الخالِقِ الحَامِيكُوا
لا تِنكِر وْجُودُو بُكرَا بيِحِملَكْ تابُوتْ
وْرَبّْنا يْحاسِبكُوا وِيقاضِيكُوا
يَا بَنِي آدم أذكُرُوا المَلَكُوتْ
فِي الآخرَة الله بلاقِيكُوا
أنا وْإنتُو كُلنا رَاح نمُوتْ
والبارِي فِي الآخرَة قاضِيكُوا".
