" تحية لبني معروفْ

في السويدا عالمكشوفْ

القلب معكو هايم ملهُوفْ

تحيِّة مْنِ الجليل والشُّوفْ

يا مْوَجهِين الصُّوتْ للنِّظامْ

يمْنَع الجُوعْ ويوَفِّر "الدَّامْ"

احنَا مَعكُو طُول الخَطّ لَقُدَّامْ

لَلْفَرَج بجاهِ  البارِي الرَّؤوفْ

الله يحميكُوا  وْيُنصُركُوا

انتُو الكرَامِة والنِّخوِة فيكُوا

أحفادْ سُلطان الِّي رَسمْ الكُو

تارِيخ العِزّ والجِهاد المَعرُوفْ

انتُو اليومْ بتعيدُوا التارِيخْ

بالتظاهُرْ ضِدِّ القَهِرْ والتَّوْبيخْ

ما بَدكُو مَذَلِّة وْلا ظُلْم وْتلْطِيخْ

سُوريَّة للكل يا شاهْرين السُّيوفْ".