بنص الليل وحدي سهران عم ناجي القمر في السما تيهان
رويت قصتي للقمر من زمان عن صبية كنت فيها ولهان
حدثتو عن جمال الصبية الفتان جمالها عطر ورد وريحان
من أوّل لمحة صرت فيها ولعان وبثاني نظرة صرت هويان
رميت ورقة عليها مكتوب عنوان مع اسمي وكلمة حبيتك برهان
عزمت الصبية ع مطعم جيعان صار كاس الخمر يضرب ع ريق شريان
بديت عرفّها ع حالي ومن أي بيت ربيان قلتلها أنا مثل كل هالناس خلقان
كنا نجلس سوى ع سرير نعسان ونحضن بعض بدفى دفيان
ولما كنا نروح ع البحر سيران كنت اقعد ع شط البحر حفيان
وإنتي تحفري أسامينا ع صخر صوان وأنا ارسم قلب حب ع الرمل فرحان
صرنا نمشي ع شفاف البحر والموج هيجان كأنو هالموج بدو يلبس هالعالم فستان
بتعرفي ,البحر والموج هني للحب سلطان والشوق والأمل هني لكل واحد عقلان
قالت لا تنسى الدِّني قسمة ونصيب يا غويان كلامك صح لكن القسمة بدها سعي وإيمان
عليها عيون مثل حب لؤلؤ مرجان كرمالها بمشي ع الجمر رغم بعدني بالصبا ريعان
إذا بتمشي بالغابة بفتح ورد ذبلان ومنها بيهربوا تيفرشوا بساط احمر الغزلان
لا تبعدي عني بصيبني مرض نسيان خليني قلبك وروحك انا ملكان
اليوم بقيت لوحدي حيران رحت للبحر لأشكي الهموم زعلان
جاوبني لا تسأل قديش هموم صرت شربان ما بتعرف قديش من الأوجاع أنا رويان
ما إلك غير تروح وتطلب الغفران هالشي الوحيد يلي بحافظ على حب وسلوان
الفراق أصعب من الكي بالنيران وكل قلب بدوا حب تيروي قلب عطشان
خليك يا قمر عايش بأجمل بستان هذه قصتي,لا تحب ابقى جالس بأحلى ديوان
