أعلن الملحن سمير صفير عبر حسابه على موقع تويتر أنه يستعد لاصدار أغنيته الثالثه بعنوان "زلزال” وكتب مغرداً :”ترقبوا اغنيتي الثالثة قريبا،وعنوانها زلزال”. ثم قام بنشر كلمات الأغنية التي كتبها الشاعر نزار فرنسيس وتنتقد في مضمونها الاعلام الهابط والرخيص في تعاطيه مع الفن وترويجه للعاطل على حساب الصالح.

مرة وعيت الصبح ع صوت عم بيقول / معانا حبوب البحص يامين شاريها/ بياع عم بيزين حب البحص بالمكيول/ وأسعار متل الذهب واكثر مغليها /

ضحكت وقلت هالبياع شو مسطول/ متقل البيعة وحاملها وعم بيداريها/ مفكر حبوب البحص يمكن ذهب مشغول/ ومن كل عقلو حدا بينفعو فيها /

الا وعفجأة شفت وشو شفت مش معقول/ في حدا حبوب البحص قرب ينقيها / سبحان مين مثبت بهاالناس العقول/ معقول هيدا يشتري ويدفع ثمن فيها /

وشفتو اشترى وقفت وصرت مذهول/ الحق عالبياع او عللي عم يشتريها/ وبهيك حالي يا ترى مين اكتر المسؤول / وشبهت هاك الوضع للفن تشبيها /

البياع وسيلة بتنقل وعاطول الاعلام يعني الاسم والفن هاويها / والشاري مشاهد قبل يتقبل المنقول يعني الجريمة دوبل صارت معانيها /

هيدي الحقيقة مبلا ومن دون حكي معسول لازم نقولها ونضل نحكيها / مازال بعد في بشر تقبل المش مقبول ومحطات من دون ما نذكر اساميها /

بتنقل على بيوت البشر اعمال فن نزول صارت بأدنى مستوى منخجل نخليها/ مش بس ناقوس الخطر مندق عشر طبول بلكي بتوعى هالدني مره عاماضيها /

وبتفرق بين فن الأصالي والاصول وبين الشي تيكتك وبلاويها/ وكل غنيي ما فيها مستوى مقبول لا تنذاع ولا تنعرض ماحدا بغنيها /

قوم وغير حاجي ناطر وعالحقيقة اسآل/ الفاجر ياكل مال التاجر لا مش ماشي الحال / وهيئتها الدنيي عاآخر وصار بدا زلزال.